Организација

Претседател

Јас лично сметам дека има многу потенцијални играчи во Македонија, но проблемот е дека немаат никаква поддршка почнувајќи од државата па се до компаниите за ИТ опреми. ИТ компаниите треба да ги согледаат професионалните играчи како нивни маркетинг како што го прават тоа врвните светски производители на истите.

Основач

Видете вака, со оглед на фактот дека во светот во повеќето држави e признаен е-спортот а во дел и се прогласени за атлети, сметам дека треба да почне да се имплементираат тие некој основни поставени стандарди и кај нас.

Главен Организатор

Додека некој е-спортот го сметаат за потрошено време ние мислиме потполно различно. На е-спортот гледаме како излегување од реалниот свет и влез во свет во кој може да се вежба механика,реакција и поттикнување на мозокот да ни работи во полна пареа. ГГЕЗ

Коментатор

Како активен играч на повеќе видео игри јас сметам дека е-спортот во Македонија може да се крене на повисоко ниво,и од Македонија како држава да произлезат повеќе играчи кој што ќе го прослават името на својата држава и самите себеси како индивидуи. Пополека но сигурно доаѓа времето на е-спортотот на интернационалната сцена и е на рамниште со традиционалните спортови, време е и ние како држава да започнеме да го пратиме тој тренд.

Водител

За Е-спортот во Македонија сметам дека не е развиен бидејќи нема услови за играње, но има многу квалитетни играчи кои би можеле да го доведат Е-Спортот скалило погоре, воедно и да им се исплати нивниот вложен труд играјќи ја нивната омилена игра.

Надзорен орган

Зошто сметам дека е-спортот треба да биде законски регулиран? Секоја интересна група во ова општество системот треба да им пружи поддршка и услови за функционирање. Влегов во оваа битка за унапредување на е-спортот затоа што се залагам за општество на рамноправни граѓани, еднакви граѓани треба да бидеме сите ние.